Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
16 кастрычніка беларусы Бэльгіі далучыліся да Дня салідарнасьці з усімі змагарамі за волю і незалежнасьць Беларусі. У Беларускай царкве г. Антвэрпана перад нядзельнай Боскай літургіяй ўрачыста была запалена сьвяча, а ў часе самога набажэнства людзі маліліся за зьніклых, а таксама за палітвязьняў і ўсіх гнаных і рэпрэсаваных змагароў за свабоду і незалежнасць Беларусі. У прамове было адзначана, што запальваньне сьвячы сымбалізуе сабой запальваньне чалавечых сэрцаў прагай свабоды і любові да Беларушчыны і зьяўляецца напамінам пра абавязак кожнага сумленнага і вернага Богу беларуса адстойваць вольнасьць Айчыны перад абліччам рознага кшталту ейных нішчыцеляў.
Акцыя салідарнасьці 16 кастрычніка добра дапасавалася да ўжо распачатага гадавога маленьня за Беларусь, што мела месца 14 верасьня – на сьвята Узвышэньня Пачэснага Крыжа. Вернікі парафіі штодзённа адмаўляюць адмысловую малітву, якая штонядзелю ўрачыста ўзносіцца сьвятаром, быццам бы завяршаючы штотыднёвую ахвяру Богу. Гадавое маленьне за Беларусь, як адмысловае служэньне Богу за нашу Краіну, завершыцца 14 верасьня 2006 году.
Акцыя салідарнасьці 16 кастрычніка добра дапасавалася да ўжо распачатага гадавога маленьня за Беларусь, што мела месца 14 верасьня – на сьвята Узвышэньня Пачэснага Крыжа. Вернікі парафіі штодзённа адмаўляюць адмысловую малітву, якая штонядзелю ўрачыста ўзносіцца сьвятаром, быццам бы завяршаючы штотыднёвую ахвяру Богу. Гадавое маленьне за Беларусь, як адмысловае служэньне Богу за нашу Краіну, завершыцца 14 верасьня 2006 году.
