Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады не дазволілі правесьці зьезд ТБМ у Доме літаратара 10:11, 28/10/2005
На нядзелю 30 кастрычніка заплянаваны чарговы дзявяты зьезд Таварыства беларускае мовы імя Францішка Скарыны, аднак дзе ён адбудзецца, да гэтага часу невядома. Заяўку на арэнду вялікае залі Дому літаратара гаспадарчае ўпраўленьне кіраўніцтва справамі прэзыдэнта, якому належыць цяпер гэты будынак, не задаволіла.
На зьезд абрана каля ста пяцідзесяці дэлегатаў з розных рэгіёнаў краіны, а таксама з замежных суполак Таварыства беларускае мовы імя Францішка Скарыны.
На сёньня ТБМ – гэта самая масавая грамадзкая арганізацыя абаронцаў нацыянальных каштоўнасьцяў. Дэлегаты зьезду будуць прадстаўляць сямітысячныя шэрагі афіцыйна зарэгістраваных сяброў таварыства ў Беларусі і трыста замежных грамадзянаў, паведамляе “Радыё Свабода”.
