Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Жыццё палітвязня Міхаіла Марыніча зноў пад пагрозай 15:59, 02/11/2005
Стан здароўя былога міністра і дыпламата Міхаіла Марыніча зноў пагоршыўся, і 31 кастрычніка яго паклалі для лячэньня ў турэмны шпіталь. Аб гэтым “Радыё Свабода” паведаміла жонка палітвязня Таццяна Марыніч. Сыны Міхаіла Марыніча баяцца ня толькі за стан здароўя бацькі, але нават за ягонае жыцьцё.
Сын вязьня Ігар Марыніч распавёў “Радыё Свабода”, што нібыта аддадзены загад на фізычнае зьнішчэньне ягонага бацькі. Ігар Марыніч спаслаўся на добразычліўцаў у спэцслужбах, якія самі выйшлі на кантакт зь ім.
“Яны сказалі, што, мы хочам вас папярэдзіць, што аддадзены загад аб зьнішчэньні вашага бацькі. Мы ня можам гэтых зьвестак ні абвергнуць, ні пацьвердзіць. Адзінае, што мы можам зрабіць — распавесьці пра гэтую сытуацыю журналістам і гэтым папярэдзіць кіраўнікоў калёніі, кіраўнікоў спэцслужбаў, што мы ў курсе”, -- паведаміў Ігар Марыніч.
Былы міністар і амбасадар Міхаіл Марыніч за кратамі з красавіка 2004 году, яго асудзілі за крадзеж маёмасьці на 3,5 гады зьняволеньня, аднак ён лічыць, што зь ім паквіталіся за пераход у апазыцыю. Арганізацыя “Міжнародная амністыя” абвясьціла Міхаіла Марыніча вязьнем сумленьня. mmmmm
