Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Па абсалютна дробязных прычынах «Белпошта» прыняларашэнне не ўключаць «Народную волю» ў падпiсны каталог на першае паўгоддзе 2006 года. «Народная воля» адрэагавала iмгненна: у суд накiраваны iск да «Белпошты»
МЫ ВЕДАЕМ: блакада “Народнай волi” звязана з прэзiдэнцкiмi выбарамi, да якiх застаюцца лiчаныя месяцы.
МЫ ВЕДАЕМ: рашэнне “Белпошты” — гэта толькi працяг рэпрэсiўных дзеянняў, распрацаваных у “Чырвоным доме”.
МЫ ВЕДАЕМ: калi суды ў нас сапраўды незалежныя, то 17 лiстапада будуць вынесены адразу чатыры вердыкты на нашу карысць — будуць адноўлены беспадстаўна скасаваныя ў аднабаковым парадку дагаворы з ААТ “Чырвоная зорка” (друкарня), УП “Белсаюздрук”, УП “Мiнгарсаюздрук”, УП “Мiнаблсаюздрук”.
МЫ ВЕДАЕМ: калi ў краiне ёсць гарант Канстытуцыi, то ён не дапусцiць, каб дзесяткi тысяч прыхiльнiкаў свабоднага слова не мелi магчымасцi падпiсацца на “Народную волю” альбо штодзень купляць яе ў шапiках.
МЫ ВЕДАЕМ: пакуль “Народная воля” будзе патрэбна хоць аднаму беларусу, яна будзе выдавацца.
МЫ ПАТРАБУЕМ: спынiце, уладары, удушэнне адзiнай у краiне штодзённай недзяржаўнай газеты “Народная воля”.
МЫ ПАТРАБУЕМ: дайце нам, калектыву “Народнай волi”, спакойна займацца прафесiйнай дзейнасцю.
МЫ ПАТРАБУЕМ: не перашка-джайце нам адстойваць усiмi даступнымi журналiсцкiмi сродкамi прынцыпы дэмакратыi, правы чалавека, адраджаць у душах людзей нацыянальныя каштоўнасцi.
, iнформэр
