Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сёння Дзень беларускай салідарнасці 10:15, 16/11/2005
16 лістапада -- Дзень беларускай салідарнасці. Сёння ў многіх вокнах беларускіх гарадоў пагасне святло, і запаляцца сотні тысяч свечак нашай салідарнасці і Свабоды. “Цёмныя гарады, цёмныя вокны, у якіх бачны толькі цені свечак, якія гараць, могуць стаць тым самым люстэркам, у якім мы ўбачым, што нас вельмі шмат!” – сказала журналістка Ірына Халіп. Акцыі салідарнасці з беларускім народам таксама пройдуць сёння ў замежжы.
Прадстаўнікі грамадзянскай супольнасьці Беларусі прапанавалі праводзіць Дні салідарнасьці з беларускімі палітзняволеннымі, зніклымі апазіцыянерамі, іх сем’ямі, незалежнымі журналістамі, з усімі, хто змагаецца за свабоду і дэмакратыю ў Беларусі, 16-га дня кожнага месяца. Беларусаў заклікалі 16 лістапада ў 20.00 на 15 хвілін выключыць святло і запаліць у вокнах свечы Свабоды. Першая такая акцыя прайшла ў кастрычніку. Па ацэкам арганізатараў, у ёй прынялі ўдзел 100.000 чалавек.
