Уладзiмiр Някляеў: «Iдзе татальная «зачыстка» напярэдаднi прэзiдэнцкiх выбараў...» :: Хартыя'97 :: Навiны

“Якая можа быць пастаўлена новая творчая задача перад новым Саюзам пiсьменнiкаў? Яны што, iнакш вершы будуць пiсаць цi раманы? Не. Iм, хутчэй за ўсё, пастаўлена канкрэтная задача Адмiнiстрацыяй прэзiдэнта — выбiць глебу з-пад ног дзеючага, ”неправавернага" Саюза. Хутчэй за ўсё iм аддадуць памяшканнi ў Доме лiтаратара. Можа, iм нейкую яшчэ i датацыю дадуць... А цяперашнi Саюз беларускіх пісьменнікаў, магчыма, прызнаюць несапраўдным», -- такім чынам пракаментаваў “Народнай волі” стварэнне ў Беларусі яшчэ аднаго Саюзу пісьменнікаў паэт, старшыня беларускага ПЭН-цэнтра Уладзiмiр Някляеў.

“Цi змогуць суiснаваць два пiсьменнiцкiя саюзы? Думаю, забiваць адзiн аднаго нiхто не будзе. Ва ўсялякiм выпадку я не збiраюся гэтага рабiць. Але тут яшчэ вось якая штуковiна: напрыклад, я нiколi нiкога не папракаў за працу ў дзяржаўным холдынгу “Лiтаратура i мастацтва”. Я разумею, што людзям трэба элементарна кармiцца, выжываць. Дарэчы, у холдынгу працуюць i прыстойныя людзi, якiя туды пайшлi, бо iм трэба недзе зарабляць на хлеб. Гэта яшчэ неяк зразумела. Але ў дадзеным выпадку новы саюз арганiзуецца не таму, што кармiцца трэба. Яны выконваюць заданне: супрацьстаяць Саюзу беларускіх пiсьменнiкаў, з якiм улада не змагла справiцца самастойна, як нi жадала... Iдзе татальная зачыстка прасторы напярэдаднi прэзiдэнцкiх выбараў...”, -- упэўнены Уладзiмiр Някляеў.

18 лістапада ў Менску адбыўся ўстаноўчы з`езд новай рэспублiканскай арганiзацыi “Грамадскае аб`яднанне ”Саюз пiсьменнiкаў Беларусi". Узначалiў яе “сенатар” Мiкалай Чаргiнец.

Як паведамiла дзяржаўнае iнфармацыйнае агенцтва “БелТА”, “празаiкi, паэты, драматургi i крытыкi ў сваiх выступах на сходзе адзначалi, што мiнулая арганiзацыя ”Саюз беларускiх пiсьменнiкаў" у апошнiя гады не задавальняла iх прафесiйныя запыты, у цэнтры яе ўвагi былi ў асноўным палiтычныя памкненнi. У шэрагу выпадкаў праца вялася ў накiрунку супрацьстаяння з уладай, дыскрэдытацыi iснуючага дзяржаўнага ладу. У вынiку саюз апынуўся ў глыбокiм творчым крызiсе. Iнiцыятары стварэння новай арганiзацыi вырашылi зрабiць Саюз пiсьменнiкаў па-сапраўднаму творчай структурай, дзе б захоўвалiся традыцыi мiнулых гадоў".