Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пошта адмовілася супрацоўнічаць з «Вольным Глыбокім» 10:15, 23/11/2005
Глыбокская пошта з 1 снежня скасоўвае дамову з недзяржаўнай газетай "Вольнае Глыбокае". Пра гэта галоўны рэдактар выдання Уладзімір Скрабатун даведаўся з ліста начальніка раённага вузла паштовай сувязі, паведамляе БАЖ.
Глыбокскі РУПС сцвярджае, што рэдакцыя не прадаставіла інфармацыі для ўключэння ў каталог на 1 паўгоддзе 2006 г.: не ўказала палоснасці, перыядычнасці выхаду, цаны ведамаснай і індывідуальнай падпіскі і г.д. Газету звінавачваюць таксама ў "неаднаразовых парушэннях тэрмінаў прадастаўлення накладу газеты". Акрамя гэтага, РУПС выказвае незадаволенасць пунктам заключанай у 2004 г. дамовы, які даваў рэдакцыі права змяншаць колькасць выхадаў газеты ў выпадку недахопу паперы і зменяць дні выхаду. У пасланні падкрэсліваецца, што вузел паштовай сувязі "дорожит своей деловой репутацией и должен принимать меры для создания стабильности и качества работы всех отделений связи".
У. Скрабатун, са свайго боку, сцвярджае, што ўся інфармацыя пра палоснасць, цану, перыядычнасць выхаду і г.д. указана ў дамове, падпісанай паміж РУПС і рэдакцыяй.
"Ім проста трэба было нешта напісаць, каб скасаваць дамову", - лічыць галоўны рэдактар "Вольнага Глыбокага".
