Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кіраўніцтва спраў прэзыдэнта адмовілася замірыцца зь БХК 13:06, 25/11/2005
25 лістапада ў Вышэйшым гаспадарчым судзе Беларусі адбылося папярэдняе паседжаньне па скарзе Беларускага Хельсінкскага камітэту на Кіраўніцтва справамі прэзыдэнта. Праваабаронцы дамагаюцца адмены рашэньня дэпартамэнту гуманітарнай дапамогі Кіраўніцтва справамі, які не дае дазволу на скарыстаньне замежнай дапамогі, прызначанай на аплату офісу, тэлефонных размоваў і канцылярскіх выдаткаў БХК.
Неаплата па рахунках пагражае праваабаронцам закрыцьцём арганізацыі. Аднак ў Кіраўніцтве справамі спасылаюцца на 24-ы дэкрэт прэзыдэнта, які рэглямэнтуе аказаньне замежнай дапамогі. На сёньняшнім паседжаньні судзьдзя Аркадзь Сусло прапанаваў бакам замірыцца, але БХК ня зьняў сваіх прэтэнзіяў, гэтаксама і ў Кіраўніцтве справамі адмовіліся мяняць пазыцыю, павкдаміла “Радыё Свабода”.
