Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Палітвязень Сяргей Скрабец спыніў галадоўку 15:15, 28/11/2005
Пра гэта “Радыё Свабода” паведаміла Аляксандра Скрабец — жонка вядомага апазыцыйнага палітыка, былога дэпутата і кіраўніка групы “Рэспубліка”. Паводле спадарыні Скрабец, кіраўніцтва менскага ізалятару па вуліцы Валадарскага нарэшце выканала патрабаваньне вязьня і перавяла яго са звычайнай камэры ў камэру, умовы ўтрыманьня ў якой лічацца набліжанымі да шпітальных.
Аляксандра Скрабец, прафэсійны лекар, паведаміла, што сёньня яна перадала мужу лекі, якія, як яна спадзяецца, дапамогуць яму лягчэй пераносіць хваробу — абвастрэньне падагры.
Гэта была ўжо трэцяя галадоўка Сяргея Скрабца.
Крымінальная справа, заведзеная супраць Сяргея Скрабца, якога абвінавачваюць у трох парушэньнях заканадаўства — выманьваньні крэдытаў у дзяржавы, незаконнай прадпрымальніцкай дзейнасьці і падрыхтоўцы да дачы хабару ў асабліва буйных памерах— цяпер знаходзіцца ў Вярхоўным судзе Беларусі.
Сяргей Скрабец летам 2004 году ўдзельнічаў у галадоўцы дэпутатаў, якія патрабавалі дэмакратызацыі выбарчага заканадаўства. Летась у кастрычніку ён зьвярнуўся да прэзыдэнта Расеі з просьбай пра палітычны прытулак, аднак атрымаў адмову.
