Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч сёння распачаў візіт ва Украіну 13:55, 30/11/2005
Лідэр дэмакратычнай Беларусі Аляксандр Мілінкевіч прыбыў 30 лістапада ў Кіеў, дзе правядзе шэраг сустрэч з украінскімі і заходнімі палітыкамі, а таксама выступіць на міжнародным прадстаўнічым форуме. Гэта першы візіт Аляксандра Мілінкевіча ў суседнюю краіну ў якасці лідэра аб’яднаных дэмакратычных сіл.
Візіт Аляксандра Мілінкевіча супаў з правядзеннем у Кіеве 30 лістапада-1 снежня саміту Украіна-Еўрапейскі Саюз.
1 снежня Аляксандр Мілінкевіч выступіць на міжнародным Грамадскім форуме “Супольнасць дэмакратычнага выбару”, арганізатарам якога разам з іншымі ўплывовымі інстытутамі з’яўляецца Міністэрства замежных спраў Украіны. На форуме Аляксандр Мілінкевіч прадставіць бачанне беларускімі дэмакратычнымі сіламі развіцця палітычнай сітуацыі ў Беларусі і перспектываў замежнапалітычнага супрацоўніцтва.
На 2 снежня запланавана прэс-канферэнцыя Аляксандра Мілінкевіча для ўкраінскіх і заходніх сродкаў масавай інфармацыі.
Візіт Аляксандра Мілінкевіча ва Украіну будзе доўжыцца тры дні.
