Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кіраўнік офіса АБСЕ наведаў палітвязня Міколу Статкевіча 15:35, 01/12/2005
Кіраўнік офіса АБСЕ у Мінску амбасадар Оке Петэрсан наведаў старшыню Беларускай сацыял-дэмакратычнай партыі (Народная Грамада) Міколу Статкевіча, які адбывае пакаранне (тры гады абмежавання волі) ў горадзе Баранавічы за арганізацыю акцый пратэста супраць фальсіфікацыі вынiкаў рэферэндума і парламенцкіх выбараў у кастрычніку 2004 года.
Сутрэча адбылася ў баранавіцкай “Рамбыттэхніцы”, дзе Статкевіч мусіць працаваць радыёмеханікам. У сустрэчы ўзялі ўдзел сябры баранавіцкай гарадской арганізацыі Народнай Грамады – Аляксандр Долмат, Анатоль Вайцяхоўскі і Віктар Сырыца. Усе яны ў розны час згубілі працу па палітычных матывах.
Каментуючы гэты факт М. Статкевіч адзначыў, што рэпрэсіі супраць партыі ў апошнія гады набываюць усё больш масавы характар. Але ён не ведае ні воднага выпадку, калі б сябра партыі, які б апынуўся пад пераследам, спыніў сваю партыйную працу. Нягледзячы на псіхалагічныя і фізічныя выпрабаванні, рэпрэсаваныя сацыял-дэмакраты ўспрымаюць незаконныя і немаральныя дзеянні супраць сябе, як доказ маральнасці і неабходнасці справы, якой яны служаць.
На сустрэчы О.Петэрсана з М.Статкевічам таксама прысутнічалі карэспандэнты газеты “Intex-press” – мясцовага выдання, якое з наступнага года з рашэння ўлады нельга будзе атрымаць па падпісцы.
