Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Анджэя Пісальніка не пускаюць за мяжу 16:21, 01/12/2005
Галоўнаму рэдактару газэты “Glos znad Niemna” ў эміграцыі” забаранілі выезд за мяжу. Сёньня Анджэя Пісальніка затрымалі каля г. Скідзель і даставілі ў Горадню ў Ленінскі РАУС, дзе яму скасавалі пячатку ў пашпарце, якая дазваляе выезд ва ўсе краіны сьвету.
Яму патлумачылі, што гэта зроблена таму, што ён зьяўляецца падазраваным па крымінальнай справе аб запалохваньні дырэктара шчучынскага Дому польскага Віктара Богдана. Раней такім жа чынам забаранілі выезд за мяжу траім ягоным калегам па Саюзе палякаў, непрызнаванаму ўладамі, паведаміла “Радыё Свабода”.
