Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рэдакцыя недзяржаўнай газеты "Брестский курьер" атрымала афіцыйны ліст за подпісам начальніка Брэсцкага філіяла РУП "Белпошта" Г.Цітова. У пасланні паведамляецца, што тэрмін дамовы на распаўсюд выдання сканчаецца 31 снежня 2005 і падоўжаны не будзе. Раней газета "Брестский курьер" не трапіла ў падпісны каталог на 2006 год.
Акрамя гэтага, апошнім часам у Брэсце перасталі выкладваць газету ў кіёсках "Белсаюздруку". Па інфармацыі галоўнага рэдактара выдання Мікалая Аляксандрава, прадаўцы спасылаюцца на адпаведнае распараджэнне "зверху" і кажуць, што выкананне гэтага ўказання рэгулярна правяраюць два тавараведы, паведамляе прэс-служба БАЖ.
