Пракуратура адновіць праверку абставін смерці Гроднікава? :: Хартыя'97 :: Навiны

Пракуратура РБ прыняла рашэнне аднавіць праверку абставінаў смерці пазаштатнага карэспандэнта "Народнай волі" Васіля Гроднікава, - паведамляе БАЖ са спасылкай на газету "Салідарнасць" у нумары ад 2 снежня.

Такое рашэнне было прынята ўжо пасля таго, як 28 лістапада Мінская раённая пракуратура адмовіла ва ўзбуджэнні крымінальнай справы з прычыны "адсутнасці складу злачынства", - паведамляе выданне. "Па папярэдніх дадзеных судмедэкспертызы, смерць журналіста надыйшла "ў выніку чэрапна - мазгавой траўмы". Аднак рашэнне - ўзбуджаць крымінальную справу ці не - пракуратура неаднаразова адкладала, спасылаючыся на тое, што чакае канчатковага медыцынскага заключэння. Праз паўтара месяцы судова-медыцынская экспертыза следчых органаў устанавіла, што Гроднікаў памёр… "у выніку чэрапна-мазгавой траўмы", - піша "Салідарнасць".

"Раней у нас было толькі папярэдняе заключэнне, цяпер жа ёсць больш дакладныя звесткі, дзе і ў якіх месцах былі пашкоджанні", - патлумачыў карэспандэнту газеты следчы Мінскай раённай пракуратуры Дзмітрый Кірыльчык.

- адзначае "Салідарнасць". "Доказаў, якія пацвярджалі б гвалтоўную смерць журналіста, у выніку праведзенай праверкі таксама знойдена не было. Нават плямы крыві ў 17 розных месцах дома… не выклікалі ў ахоўнікаў закона асаблівых падазрэнняў".