Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сёньня Міхаіл Марыніч плянуе падаць скаргу ў Вярхоўны суд 15:02, 09/12/2005
Сёньня ў менскай папраўчай калёніі на вуліцы Кальварыйскай Міхаіл Марыніч сустрэнецца са сваёй адвакаткай Валянцінай Шаханцовай. Яны плянуюць падрыхтаваць і накіраваць у Вярхоўны суд скаргу на прысуд, які быў вынесены Марынічу год таму Менскім раённым судом. Пра гэта паведаміла “Радые Свабода”.
Міхаіл Марыніч быў асуджаны да пяці гадоў зьняволеньня. Пасьля абласны суд перагледзеў гэтае рашэньне і прысудзіў Марынічу тры з паловай гады зьняволеньня за кражу кампутараў. Пасьля па амністыі зьнялі яшчэ адзін год. Міхаіл Марыніч сваёй віны не прызнаў.
Вярхоўны суд – апошняя інстанцыя, якая можа перагледзець судовае рашэньне адносна Марыніча. Міжнародная і беларуская грамадзкасьць дамагаецца вызваленьня Міхаіла Марыніча. Арганізацыя “Міжнародная амністыя” прызнала Марыніча вязьнем сумленьня. У турме Марыніч перанёс інсульт, у яго рэзка пагоршыўся зрок. mmmmm
