Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Заснавальнік “Саюза палякаў Беларусі” Тадэуш Гавін выказаў падтрымку Дню Салідарнасці 16 снежня. “16 cнежня я запалю свечку, як я гэта рабіў у кастрычніку і лістападзе. Я добра ведаў, і быў у блізкіх адносінах з тымі, хто зараз не з намі - і з Ганчаром, і з Красоўскім і з Карпенкам. Быць з імі ў гэты дзень, запаліць свечку - мой абавязак. Салідарнасць патрэбная, как мы маглі паглядзець адзін на аднога, і пабачыць, што нас, тых, хто хоча жыць у свабоднай краіне, сапраўды шмат,” - сказаў Тадэуш Гавін.
Прадстаўнікі грамадзянскай супольнасьці Беларусі прапанавалі праводзіць Дні салідарнасьці з беларускімі палітзняволеннымі, зніклымі апазіцыянерамі, іх сем’ямі, незалежнымі журналістамі, з усімі, хто змагаецца за свабоду і дэмакратыю ў Беларусі, 16-га дня кожнага месяца. Мінулы Дзень салідарнасьці адбыўся ў лістападзе. Тады ў ім узялі ўдзел больш за 300 000 чалавек. 16 лістапада ў 20.00 трэба проста пагасіць сьвятло на 15 хвілін і запаляць сьвечкі Свабоды ў сваіх вокнах.
