Суд адхіліў скаргі «Народнай волі» :: Хартыя'97 :: Навiны

Апеляцыйны суд пакінуў у сіле рашэнні Мінскага гарадскога гаспадарчага суда па зысках рэдакцыі "Народнай волі" да прадпрыемстваў "Мінгарсаюздрук", "Мінаблсаюздрук" і "Белсаюдрук", адхіліўшы ўсе скаргі зыскоўца. Пра гэта Беларускай асацыяцыі журналістаў паведаміў юрыст Гары Паганяйла, які прэзентаваў інтарэсы выдання ў судзе.

Нагадаем, што 17 і 21 лістапада Гаспадарчы суд г. Мінска адхіліў разглядаў зыскі ІЧУП "Народная воля" да прадпрыемстваў "Мінаблсаюздрук", "Белсаюздрук", "Мінгарсаюздрук", якія ў аднабаковым парадку скасавалі дамовы з рэдакцыяй з 1-га кастрычніка г.г. Рэдакцыя спадзявалася змусіць гэтыя прадпрыемствы вярнуцца да выканання сваіх абавязкаў па дамовах.

15 снежня маюць адбыцца папярэднія слуханні па аналагічным зыску "Народнай волі" да прадпрыемства "Белпошта", якое не ўключыла выданне ў падпісны каталог на 2006 г. і адмовілася заключаць дамову на раздробны гандаль газетай.