Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Польшчы адзначаюць гадавіну ўвядзеньня ў краіне ваеннага становішча 16:52, 13/12/2005
13 сьнежня 1981 году – вельмі важная дата ў гісторыі Польшчы. 24 год таму ў краіне ўвялі ваенны стан. Сёньня каля дому былога камуністычнага кіраўніка Польшчы Войцеха Ярузэльскага ўначы адбыліся дэманстрацыі.
“Грамадзянкі і грамадзяне ПНР, зьвяртаюся да вас у справе найвышэйшай важнасьці. Рада дзяржавы ўвяла сёньня ваеннае становішча на тэрыторыі ўсёй краіны”, – гэтыя словы генэрала Войцеха Ярузэльскага пачулі палякі раніцай 13 сьнежня 1981 году.
У краіне адключылі тэлефоны, пачаліся масавыя арышты актывістаў “Салідарнасьці”, улады расстралялі гарнякоў, якія страйкавалі. Паводле Леха Лучыньскага з арганізацыі “Грамадзянская адказнасьць”, якая наладзіда дэманстрацыю пратэсту каля дому Войцеха Ярузэльскага ў Варшаве, пра гэтыя падзеі, якія Лех Валэнса назваў адным з найбольш жорсткіх злачынстваў супраць палякаў, трэба памятаць, у тым ліку і моладзі.
“Мы павінны ведаць, што адбывалася ў тыя часы, каб прадухіліць паўтор такіх падзеяў”, -- сказаў Лучыньскі “Радыё Свабода”.
