Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мiкалай Кiрычэнка не ведае беларускую мову? 10:54, 13/12/2005, «Народная воля»
Апошнiм часам стала глядзець на Першым нацыянальным тэлеканале перадачу “Добрай ранiцы, Беларусь!”. Некалькi разоў там з`яўлялiся сюжэты, прысвечаныя Нацыянальнаму акадэмiчнаму тэатру iмя Янкi Купалы. Напрыклад, напрыканцы лiстапада дырэктар Купалаўскага Мiкалай Кiрычэнка быў госцем ранiшняга эфiру з нагоды 85-годдзя тэатра. Мякка кажучы, я была вельмi здзiўлена, калi пачула, што на пытаннi журналiста артыст адказваў па-руску!
Спачатку не паверыла сваiм вушам! Варта адзначыць, што вядучыя “Добрай ранiцы” могуць размаўляць на мове Купалы i Багдановiча i калi-нiкалi гэта робяць са сваiмi беларускамоўнымi гасцямi.
Апошнi раз Кiрычэнку выцягнулi на экран у сувязi з новай прэм`ерай — мiстэрыяй “Сымон-музыка” паводле аднайменнага твору Якуба Коласа. I зноў жа, Кiрычэнка гаварыў пра адзiн з найлепшых спектакляў Купалаўскага не па-беларуску!
Можна па-рознаму ставiцца да былога дырэктара Купалаўскага тэатра Генадзя Давыдзькi, да ягоных выказванняў наконт таго, якiм павiнен быць дзяржаўны тэатр. Але Давыдзька амаль заўсёды прадстаўляў галоўны тэатр краiны на мове! I iнтэрв`ю ў якасцi дырэктара таксама даваў на мове.
Чаму не прапагандуе беларускую мову Кiрычэнка? Можа, ён забыўся, якiм тэатрам кiруе? Альбо ў хуткiм часе ў Купалаўскiм увогуле нельга будзе пачуць беларускае слова?..
