Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Кобрынскім раёне бліжэйшым часам будуць дзейнічаць добраахвотныя дружыны, у якія ўвойдуць былыя афіцэры. Пра гэта сёньня на сэсіі так званай “палаты прадстаўнікоў” паведаміў Віктар Кучынскі, абраны дэпутатам ад Кобрынскай выбарчай акругі. Пры абмеркаваньні пытаньня аб супрацьдзеяньні гандлю людзьмі Кучынскі сказаў, што ў Кобрынскім раёне апошнім часам зьявілася “зашмат чачэнцаў, азэрбайджанцаў ды асобаў іншых каўкаскіх нацыянальнасьцяў”. “У нас яны больш ня будуць знаходзіцца, яны паедуць дахаты ў свае Гімалаі. А цяпер яны, як прусакі, лезуць ва ўсе шчыліны,” – заявіў Кучынскі.
Супраць Віктара Кучынскага рэзка выступіла Вольга Абрамава. Яна абвінаваціла калегу ў распальваньні міжнацыянальнай варожасьці. Абрамава папярэдзіла Кучынскага, што калі ён сапраўды “пачне рабіць у Кобрыне зачысткі”, дык яна адразу “ўзбудзіць супраць яго крымінальную справу”, паведаміла “Радыё Свабода”.
Віктар Кучынскі ў парлямэнце ад 1990 году. Ад 1994 працаваў памочнікам прэзыдэнта ў асобых даручэньнях, ад 1997 да 2001 ўзначальваў дэпартамэнт гуманітарнай дапамогі Рэспублікі Беларусь. Вядомы сваім выказваньнем пра тое, што гатовы “абараняць прэзыдэнта з гранатамётам у руках”, а таксама прапановай увесьці крымінальную адказнасьць за гомасэксуалізм.
