Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польскае грамадзкае тэлебачаньне абуранае дэпартацыяй зь Менску сваёй карэспандэнткі 12:10, 14/12/2005
Прадстаўнік тэлебачаньня заявіў “Радыё Свабода”, што будзе рабіцца ўсё, каб дамагчыся дазволу на працу ў Беларусі для Агнешкі Рамашэўскай. Сёньня пра затрыманье спадарыні Рамашэўскай паведамляюць вядучыя польскія газэты, да гэтай тэмы працягваюць вяртацца найбольш папулярныя радыё і тэлеканалы краіны.
“Rzeczpospolita” адзначае, што ў журналісткі посьскага тэлебачаньня, якая мае сапраўдную беларускую візу і акрэдытацыю, беларускія памежнікі адабралі пашпарт і бяз пашпарта хацелі пасадзіць у самалёт, які адлятаў назад у Варшаву. “Gazeta Wyborcza” нагадвае, што Агнешка Рамашэўская да гэтага некалькі месяцаў працавала ў Беларусі, інфармуючы палякаў, сярод іншага, пра канфлікт вакол СПБ.
Гаворачы пра далейшыя захады польскага грамадзкага тэлебачаньня ў гэтай справе, ягоны прадстаўнік Яраслаў Шчэпаньскі заявіў “Свабодзе”:
“Пакуль мы будзем рабіць усё магчымае, каб усё ж дамагчыся дазволу на працу ў Беларусі для Агнешкі Рамашэўскай. Гэта няпростая справа, але мы будзем гэта рабіць. Але ў скрайнім выпадку польскае тэлебачаньне мае шмат журналістаў, якія маглі б працаваць у Беларусі”.
