Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Сьветлагорску (Гомельская вобласьць) міліцыя вернула сябру Партыі БНФ Тэльману Масьлюкову адзін з капіравальных апаратаў, які быў выняты ў ходзе агляду кватэры.
Пры аглядзе кватэры Т. Масьлюкова, які міліцыя здзейсьніла 2 сьнежня, былі вынятыя ў асноўным друкаваныя выданьні. У прыватнасьці, міліцыя выняла асобнікі газэты “Рэгіянальныя навіны”, рэдактарам якой зьяўляецца Т. Масьлюкоў, хоць іх колькасьць не перавышала дазволены тыраж. Таксама былі вынятыя пяць кампакт-дыскаў і два капіравальныя апараты. Т. Масьлюкоў накіраваў заяву ў Сьветлагорскую міжраённую пракуратуру з прозьбай праверыць правамернасьць дзеяньняў супрацоўнікаў міліцыі - паколькі выманьне рэчаў можа рабіцца толькі пры ўзбуджанай крымінальнай справе, а ў дадзеным выпадку такая справа не ўзбуджаная.
Адказ з пракуратуры пакуль не атрыманы, але намесьнік начальніка раённага аддзела міліцыі маёр П. Зыкун (які кіраваў аглядам кватэры) і участковы інспэктар, старшы лейтэнант міліцыі В. Новікаў вернулі Т. Масьлюкову адзін з капіравальных апаратаў. Пра іншы аппарат, які Т. Масьлюкоў узяў у аднаго са знаёмых, П. Зыкун сказаў, што за ім у міліцыю павінен прыбыць уладальнік з дакумэнтамі.
