Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Кіеве правялі акцыю салідарнасьці зь Беларусьсю 11:00, 17/12/2005
16 снежня ў Кіеве адбылася акцыя салідарнасьці зь Беларусьсю, арганізаваная незалежнымі грамадзкімі актывістамі. У гэтай акцыі, ў адрозьненьні ад той, якая адбылася месяц назад, удзельнічалі некалькі грамадзкіх арганізацыяў, такіх як “Міжнародная Амністыя”, Украінскі Хэльсынскі саюз па правох чалавека, Альянс “Майдан”.
“Я зьяўляюся прадстаўніком “Міжнароднае Амністыі”. Мы прыйшлі сюды, каб паставіць сьвечку пашаны ахвяраў парушэньня правоў чалавека. Таксама гэта сымбаль надзеі на тое, што хутка свабода слова і свабода думкі ў Беларусі ня будзе злачынствам”, -- пракамэнтавала “Радыё Свабода” свой удзел у акцыі адна з сябраў “Міжнароднае Амністыі”.
Удзельніка акцыі стаялі ў цэнтры Кіева з запаленымі сьвечкамі, а напрыканцы паставілі іх на тратуары насупраць манумэнта Незалежнасьці і выклалі вялікае чысло 16.
