Акцыі салідарнасьці адбыліся ў Польшчы :: Хартыя'97 :: Навiны

16 сьнежня ў дзевяці гарадох Польшчы адбыліся акцыі салідарнасьці зь Беларусьсю.

Варшава

Нягледзячы на кепскае надвор’е – моцны снег, у цэнтры Варшавы каля прэзыдэнцкаага палацу Бэльвэлэр сабралося каля 300 чалавек: беларусаў, палякаў, украінцаў. Акцыя пачалася з песняў беларускіх і польскіх рок гуртоў – дыджэем быў вядомы польскі шоў-мэн – Роберт Ляшчынскі. Пасля адбыліся выступы удзельнікаў акцыі дый гасьцей.

На акцыю прыбыў віцэ-спікер польскага Сэйму – Браніслаў Комароўскі, якому была ўручана петыцыя ад арганізатараў акцыі – “Звяза ў падтрымку дэмакратыі ў Беларусі”, студэнцкай ініцыятывы “Вольная Беларусь” і арганізацыі “Наш выбар – Украіна”. Віцэ спікер польскага Сэйму у сваей прамове паабяцаў, што Беларусь не застанецца сам на сам у такой складанай сітуацыі, якая есьць зараз у краіне.

Пасля калона рушыла пад бел-чырвона-белымі, украінскімі, польскімі сцягамі па праспекту Уяздоўскім, а 19 гадзіне па польскаму часу (а 20 гадзіне па беларускаму) удзельнікі акцыі запалілі свечкі салідарнасьці з Беларусю.

Марш скончыўся пад украінскай амбасадай, дзе былі ўзгаданы падзеі гадавой даўніны на Украіне Да удзельнікаў выйшаў намеснік амбасадара Украіны – Андрій Дышчыца, а таксама літоўскі віцэ-амбасадар – Ёнас Мажэйка, якім была уручана петыцыя-зварот да украінскіх і літоўскіх уладаў з просьбай аб больш эфектыўнай і канкрэтнай дапамозе беларускай апазыцыі.

“Сення Украіна – заўтра Беларусь” – загучаў пад украінскай амбасадай лезунг.

Пасля ў адным з варшаўскіх клюбаў адбыўся канцэрт гурту “Сьцяна” з Берасьця ў рамках Дня салідарнасьці.

Віцэ-спікер польскага Сэйму – Браніслаў Комароўскі

Люблін

У цэнтры Любліна сабралося каля 30 чалавек. Удзельнікі акцыі раздавалі мінакам улеткі заклікаючыя далучыцца да акцыі салідарнасьці з Беларусю. Некаторыя удзельнікі акцыі мелі завязаныя белымі лентамі вусна, сымбалізуючы адсутнасьць свабоды слова ў Беларусі.

Кракаў

У Кракаве у акцыі прыняла удзел каля 50 чалавек, сярод якіх былі былы старшыня Вярхоўнага Савету Беларусі Станіслаў Шушкевіч і зансавальнік Звязу палякаў Беларусі - Тадэвуш Гавін.

Лодзь

Каля двух дзясяткаў беларусаў і палякаў запаліла свечкі салідарнасьці з Беларусю, з якіх пазней быў складзена лічба 16.

Беласток

У Беластоку каля 50 чалавек прынялі ўдзел у чытанні малітвы а таксама былі запаленыя белыя і чырвоныя свечкі.

Познань

У Познані некалькі дзясяткаў чалавек утварылі жывы лацуг з свечкамі і партрэтамі зніклых беларускіх палітыкаў.

Падобныя акцыі адбыліся таксама ў Вроцлаве, Гожаве Велькапольскім, Торуні ды іншых.

Паводле арганізатараў акцыяў, абвяшчэньне датэрміновых выбараў паўплывае на тое, што колькасьць удзельнікаў такіх акцыяў будзе імкліва павялічвацца.