Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Невядомыя пагражаюць сям’і актывіста Партыі БНФ 17:07, 20/12/2005
17 сьнежня увечары паміж 19.0 і 20.00 ў кватэры актывіста Партыі БНФ, удзельніка акцыі пратэсту кіроўцаў аўтобусаў Андрэя Баранава прагучаў тэлефонны званок.
У гэты час дома была жонка з малым дзіцёнкам. Сам Андрэй Баранаў працаваў. Чалавек, які тэлефанаваў не прадставіўся, але пачаў пагражаць: “Ваш муж у апазіцыйнай партыі, якая выступае супраць існуючай улады, трэба выходзіць з партыі, бо могуць быць дрэнныя наступствы ў будучым”.
Жанчына не стала ўступаць ў размовы і паклала трубку, праз некалькі хівілінаў, зноў патэлефанавалі і той жа голас зноў пачаў пагражаць і запалохваць. Усяго за вечар у кватэры актывсіта Партыі БНФ Андрэя Баранава прагучалі тры тэлефонныя званкі з пагрозамі, паведаміў праваабрончы цэнтр “Вясна”.
