Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Валеры Леванеўскі абвясьціў галадоўку 11:12, 27/12/2005
З 25 сьнежня лідэр страйкаму прадпрымальнікаў Валер Леванеўскі трымае галадоўку. Пра гэта, як паведамляе “Радыё Свабода”, сваякам Леванеўскага паведаміў чалавек, які адбывае пакараньне разам зь ім у Івацэвіцкай калёніі.
Паводле гэтай крыніцы, Валер Леванеўскі дамагаецца пакараньня кіраўнікоў адміністрацыі калёніі, якія, як ён лічыць, шматразова парушалі ягоныя правы і правы іншых вязьняў — напрыклад, два тыдні таму Валера Леванеўскага не пусьцілі на пахаваньне бацькі.
У адміністрацыі Івацэвіцкай калёніі адмовіліся камэнтаваць зьвесткі пра галадоўку Валера Леванеўскага.
Гэта ня першая галадоўка Валера Леванеўскага ў калёніі. Апошняя ягоная галадоўка цягнулася 17 дзён і закончылася 30 лістапада.
Нагадаем, Валер Леванеўскі пакараны на 2 гады зьняволеньня за паклёп на прэзыдэнта. Арганізацыя “Міжнародная амністыя” абвясьціла яго вязьнем сумленьня. lllll
