Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мытнікі затрымалі ўвесь наклад «Народнай Волі» 10:18, 04/01/2006
На расейска-беларускай мяжы затрыманы наклад першага і другога нумароў “Народнай Волі” ў 2006 годзе.
Як паведаміў «Радыё Свабода» галоўны рэдактар “Народнай Волі” Іосіф Сярэдзіч, 3 студзеня ў Смаленскай друкарні накладам 27 тысячаў асобнікаў быў надрукаваны 8-палосны нумар незалежнай газэты (два нумары ў адным).
Пры перасячэньні расейска-беларускай мяжы супрацоўнікі аддзелу кантрабанды мытнай службы затрымалі ўвесь наклад, спаслаўшыся на тое, што адзін з суправаджальных дакумэнтаў ня быў аформлены належным чынам. Іосіф Сярэдзіч не выключае гэтага, паколькі Смаленскі паліграфічны камбінат цяпер не працуе на поўную моц у сувязі з навагоднімі вакацыямі. Галоўны рэдактар “Народнай Волі” зьвязаўся з кіраўніцтвам Смаленскай друкарні з тым, каб яны пацьвердзілі супрацоўнікам міліцыі, што тут няма ніякіх парушэньняў закону.
Паводле Іосіфа Сярэдзіча, наклад “Народнай Волі” цяпер знаходзіцца ў Дубровінскім аддзелу міліцыі, супрацоўнікі якога запэўнілі, што як толькі паступіць пацьверджаньне са Смаленскай друкарні (чакаецца, што гэта будзе раніцай), наклад газэты будзе вернуты.
