Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Двух актывістаў Саюзу палякаў аштрафавалі 14:12, 05/01/2006
Камандзір Гарадзенскага памежнага атраду палкоўнік Абызаў сёньня пакараў за парушэньне знаходжаньня ў памежнай зоне Анджэя Пісальніка—галоўнага рэдактара газэты “Glos znad Niemna” у выгнаньні” і Андрэя Пачобута—галоўнага рэдактара часопіса “Magazyn Polski”. Кожны зь іх аштрафаваны на дзесяць базавых адзінак, гэта—290 тысяч рублёў, паведаміла “Радыё Свабода”.
26 сьнежня ўвечары памежнікі затрымалі іх на пад’езьдзе на мястэчка Сапоцкін Гарадзенскага раёну, куды яны накіроўваліся на калядную сустрэчу з актывістамі СПБ. На іх склалі адміністрацыйныя пратаколы за парушэньне рэжыму знаходжаньня ў памежнай зоне і адпусьцілі. Сёньня пратаколы разгледзеў камандзір памежнага атраду.
Абодва актывісты — жыхары Горадні, для наведваньня Сапоцкіна ўсім гарадзенцам патрэбны спэцыяльны пропуск.
