Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Жлобінская міліцыя канфіскавала 10 тысяч каляндарыкаў Мілінкевіча 12:47, 06/01/2006
Учора ўвечары на шашы Менск-Жлобін у вёсцы Беліца дарожнымі інспэктарамі быў затрыманы на ўласнай аўтамашыне старшыня Жлобінскай раённай арганізацыі ПКБ Валер Рыбчанка. У Жлобінскім райаддзеле міліцыі сьледчая Яўгенія Ігнатуш правяла дагляд аўтамашыны. Былі сканфіскаваны 10800 календарыкаў на 2006 год з прозьвішчам і электроннай адрэсай кандыдата ад аб`яднанай апазыцыі Аляксандра Мілінкевіча, паведаміла “Радыё Свабода”.
Валер Рыбчанка напісаў скаргу ў міліцэйскую кнігу. Амаль дзьве гадзіны міліцыянты ня ведалі, на якой падставе правесьці дагляд легкавіка партыйнага актывіста.
Дарэчы, акурат у вёсцы Беліца 23 сьнежня быў затрыманы кіраўнік рэгіянальнага штабу Аляксандра Мілінкевіча Уладзімер Кацора. Тады міліцыянты сканфіскавалі з аўтамашыны Уладзімера Кацоры 57 тысячаў навагодніх віншавальных паштовак за подпісам Аляксандра Мілінкевіча.
