Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рабочых прымушаюць пакідаць Незалежны прафсаюз? 14:26, 06/01/2006
Сёньня кіраўніцтва арганізацыі Беларускага незалежнага прафсаюзу “Азоту” падало заяву ў Кастрычніцкую раённую пракуратуру Горадні. У ёй паведамляецца, што кіраўніцтва прадпрыемства “настойліва раіць” працаўнікам прадпрыемства выходзіць зь Незалежнага прафсаюзу.
Як паведамляе “Радыё Свабода”, толькі ўчора заявы аб выхадзе з прафсаюзу прынесьлі больш за сорак чалавек. Пракуратуру просяць праверыць гэты факт і прыцягнуць вінаватых да крымінальнай адказнасьці — паводле артыкулу 185, у якім гаворыцца аб прымушэньні да выкананьня нейкіх дзеяньняў.
“Азот” — самае буйное прадпрыемства Горадні, яно забясьпечвае вялікую частку экспарту для вобласьці. Арганізацыя БНП “Азоту” — таксама самая вялікая, у ёй каля 800 сяброў.
