Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Бухвостаў: «Усім трэба працаваць на Мілінкевіча» 17:00, 09/01/2006
11 студзеня ініцыятыўная група кандыдата ў прэзідэнты ад дэмакратычнай апазіцыі Аляксандра Мілінкевіча падвядзе вынікі збору подпісаў. Па прагнозах кіраўніка ініцыятыўнай групы Аляксандра Бухвостава, на 9 студзеня ў падтрымку Мілінкевіча падпісалі “50-60 тысяч выбаршчыкаў – ніяк не менш”.
Між тым, ініцыятыўная група адчувае на сабе ціск уладаў. Так, у Рагачове сем чалавек адмовіліся збіраць подпісы, таму што на працы ім паставілі ўльтыматум: альбо збор подпісаў, альбо звальненне. Ідзе шалёны ціск на студэнтаў. Хаця, як выказаўся А.Бухвостаў, “нічога незвычайнага няма – усё як заўсёды”.
Каментуючы ПАГОНІ выхад акадэміка Аляксандра Вайтовіча з перадвыбарчай гонкі, кіраўнік штабу заявіў: “Правільна і зрабіў. Усім трэба працаваць на Мілінкевіча. Мілінкевіч – найлепшая кандыдатура, тым больш, што ён прайшоў усе этапы адбору, у тым ліку і Кангрэс дэмакратычных сілаў. Усе астатнія, на маючы за сабой арганізаванай сілы, не маюць шансаў: яны не збяруць сто тысячаў подпісаў”.
