Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Альжыр плянуе купляць ваенныя самалёты МіГ-29 у Беларусі? 10:45, 10/01/2006
Як паведамляе агенцтва навінаў "Middle East Newsline" (стужка навінаў Блізкага Ўсходу), Альжыр мяркуе закупаць зброю ў Беларусі на суму 1,5 мільярда даляраў. Размова ідзе пра набыцьцё самалётаў MiГ-29. Як паведаміла агенцтву крыніца ў Міністэрстве абароны Альжыру, у часе адпаведных перамоваў Беларусь прапанавала гэтае краіне больш нізкія цэны, чым Расея.
Як перадае са спасылкай на крыніцы ў міністэрстве абароны Альжыру агенцтва "Middle East Newsline", падчас візыту ў гэтую краіну летась у чэрвені міністар абароны Беларусі Леанід Мальцаў вёў перамовы са сваімі альжырскімі калегамі пра розныя накірункі ў двухбаковым ваенным супрацоўніцтве.
“Беларусь прапанавала ўсё. Яны гатовыя навучаць альжырскіх вайскоўцаў, забясьпечваць экспэртызай адносна разьвіцьця і вытворчасьці зброі, а таксама прадаваць тэхналёгіі”, гэтак сказала ў размове з "Middle East Newsline" крыніца ў міністэрстве абароны Альжыру.
«Радыё Свабода» спрабавала спраўдзіць гэтую інфармацыю ў дзяржаўных ворганах Беларусі, аднак чыноўнікі адмовілісь ад каментароў.
