Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Актывіста «Зубра» выклікалі на допыт у пракуратуру 11:43, 11/01/2006
Актывіста маладзёвага супраціву "Зубр" Аляксандра Казакова 10 студзеня выклікалі на допыт ў пракуратуру. На яго і яшчэ аднаго актывіста “Зубру” Зьмітра Зубра заведзена крымінальная справа.
27 сьнежня позна ўвечары Аляксандра і Зьмітра затрымалі супрацоўнікі міліцыі Цэнтральнага раёну Менску за палітычныя графіці. Міліцыянты спачатку склалі пратакол за дробнае хуліганства, але пазьней перарабілі яго і абвінавацілі хлопцаў у супраціве міліцыі падчас затрыманьня. Пракуратура распачала крымінальную справу, а хлопцаў на час сьледзтва адпусьцілі пад падпіску пра нявыезд.
Аляксандар Казакоў адкідае абвінавачаньні. Ён спасылаецца на мэдычную даведку, паводле якой, яму пры затрыманьні зламалі нос і ўдарылі нагу, паведаміла “Радыё Свабода”.
