Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Севярынца адправілі на лесапавал 11:03, 11/01/2006
З сёньняшняга дня палітзьняволенага Паўла Севярынца, які знаходзіцца на так званай “хіміі” у в. Малае Сітна Віцебскай вобласці, адпраўляюць на лесапавал. Відавочна, што з набліжэньнем да даты выбараў рэжым імкнецца глыбей ізаляваць палітыка.
Як паведамляе прэс-служба “Маладога Фронту”, на мінулым тыдні зьнікла адзіная магчымасьць датэлефанавацца да Севярынца. А ў панядзелак начальнік папраўчай установы адмовіў Севярынцу ў законным праве раз на месяц наведаць Віцебск і паведаміў, што Павал зьяжджае на лесапавал. Пасьля таго, як Севярынец прыгразіў пачаць страйк яму ўсё ж падпісалі адпачынак з 19 студзеня.
Гэтымі суровымі зімовымі днямі палітык усё ж мусіў зьехаць на лесапавал. З гэтае нагоды бацька Паўла Канстанцін Севярынец зрабіў заяву.
"Усю адказнасьць за жыцьцё й здароўе майго сына нясе асабіста начальнік папраўчай установы Лілін Аляксандр Генадзьевіч. Калі хаця б адзін волас упадзе з галавы майго сына, калі хтосьці дакранецца да яго пальцам, крымінальную адказнасьць будзе несьці асабіста гэты чалавек”.
