Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Мінску прайшло пасяджэнне Палітычнай рады аб’яднаных дэмакратычных сіл 10:25, 12/01/2006
11 студзеня ў Мінску прайшло першае пасля абвяшчэння кампаніі збору подпісаў пасяджэнне Палітычнай рады аб’яднаных дэмакратычных сіл.
Сябры Палітычнай рады, задачай якой з’яўляецца падтрымка адзінага прэтэндэнта ад дэмакратычных сіл, абмеркавалі хаду збору подпісаў за Аляксандра Мілінкевіча, адзначыўшы, што кампанія праходзіць без збояў і ў адпаведнасці з існуючым графікам.
На пасяджэнні была дасягнута дамова аб каардынацыі захадаў па вылучэнні грамадзян ва ўчастковыя выбарчыя камісіі, выкарыстоўваючы для гэтага і магчымасці партый, і вылучэнне сябраў камісій шляхам збору подпісаў.
Акрамя таго, быў абмеркаваны і прыняты графік прысутнасці на пікетах па зборы подпісаў за Аляксандра Мілінкевіча вядомых у Беларусі людзей.
Нагадаем, што Палітычная рада аб’яднаных дэмакратычных сіл была ўтворана восенню 2005 году на аснове г.зв. «Десятки» - аб’яднання дэмакратычных партый і грамадскіх арганізацый.
