Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Затрыманы кіраўнік штабу Мілінкевіча на Гомельшчыне 12:45, 12/01/2006
Учора увечары блізу Жлобіна дарожная інспэкцыя затрымала кіраўніка Гомельскага рэгіянальнага штабу Аляксандра Мілінкевіча, Уладзімера Кацору, які ехаў на асабістым легкавіку. Спадар Кацора адмовіўся без панятых і пратаколу паказваць салён легкавіка, дзе ляжалі асобнікі газэты “Народная воля” ды іншая друкаваная прадукцыя.
Як паведамляе “Радыё Свабода”, актывіста даставілі ў міліцэйскі пастарунак у Жлобіне. На ягонае патрабаваньне быў складзены пратакол, і пасьля гэтага міліцыя правяла ператрус аўтамабіля. Не знайшоўшы нічога незаконнага, міліцыянты адпусьцілі спадара Кацору.
23 сьнежня, таксама блізу Жлобіна, спадара Кацору ўжо затрымлівалі дарожныя інспэктары. Тады міліцыянты сканфіскавалі з аўтамашыны Уладзімера Кацоры 57 тысячаў навагодніх віншавальных паштовак за подпісам Аляксандра Мілінкевіча. Паштоўкі да гэтага часу міліцыя не вярнула.
