Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чэскіх сэнатараў не пускаюць у Беларусь 13:31, 13/01/2006
Чэскія сэнатары Карл Шварцанбэрг і Ярамір Шцеціна плянавалі азнаёміцца з сытуацыяй у Беларусі і сустрэцца з магчымымі кандыдатамі на пасаду прэзыдэнта, прадстаўнікамі няўрадавых арганізацый і друку. Паездка была афіцыйна ўхваленая арганізацыйнай камісіяй Сэнату Чэхіі. Аднак пасольства Беларусі ў Празе адмовіла сэнатарам у візах. Як паведамляе “Радыё Свабода”, нягледзячы на шматразовыя спробы, ім не ўдалося атрымаць афіцыйныя тлумачэньні часовага паверанага Беларусі ў Чэскай рэспубліцы Мікалая Барысевіча.
Паводле сэнатараў, у праграме іх паездкі была і дыскусія аб сяброўстве Чэскай рэспублікі ў эўраатлянтычных арганізацыях ды ўзаемаадносінах Эўрапейскага Зьвязу і Беларусі. Яны таксама хацелі атрымаць інфармацыі аб нядаўняй забароне з боку беларускага міністэрства адукацыі на выезд на стажыроўку ў Чэхію студэнтаў багемістыкі.
“Гэта мяне не зьдзівіла. Рэжым, які здольны вязьніць і забіваць сваіх палітычных апанэнтаў, мусіць натуральна рабіць карныя засьцярогі ад вірусаў дэмакратыі,” – заявіў Ярамір Шцеціна “Радыё Свабода”.
