Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Марыніч заклікае дэмакратычных кандыдатаў аб’яднацца вакол Аляксандра Мілінкевіча 17:02, 13/01/2006
13 студзеня ў менскай калёніі адбылася сустрэча былога амбасадара і міністра, цяпер палітвязьня, Міхаіла Марыніча са сваякамі. Паводле сына вязьня Ігара Марыніча, Міхаіл Марыніч найбольш заклапочаны тым, ці дасягнуць адзінства кандыдаты ад апазыцыі. Палітвязень лічыць, што толькі кандыдат ад аб’яднаных дэмакратычных сілаў Аляксандр Мілінкевіч можа перамагчы на гэтых надзвычай цяжкіх і важных выбарах.
“Бацька вельмі спадзяецца на тое, што палітыкі, якія лічаць сябе апазыцыйнымі рэжыму, адкінуць убок уласныя амбіцыі і здолеюць аб’яднацца. Што яны ўсе спрацуюць на чалавека, якога вызначаць адзіным кандыдатам, спрацуюць не на словах, а па-сапраўднаму. Ён перакананы, што толькі гэтак можна ўсім прадэманстраваць, што апазыцыя моцная і сапраўды змагаецца за вызваленьне народу”, -- паведаміў Ігар Марыніч “Радыё Свабода”.
Былы амбасадар і міністар Міхаіл Марыніч быў асуджаны на 3,5 гады зьняволеньня за нібыта крадзеж маёмасьці няўрадавай арганізацыі, якую сам жа ўзначальваў. Пазьней пакараньне было паменшанае на адзін год паводле амністыі. Шмат хто ў Беларусі і сьвеце мяркуе, што Марыніча пакаралі за ягоную апазыцыйную дзейнасьць і намер вылучацца на прэзыдэнта. mmmmm
