Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Супрацоўнікі сацыяльных службаў вымагаюць подпісы за Лукашэнку 10:19, 16/01/2006
Наступны выпадак адбыўся з жыхаркай Мінску Таццянай Калышавай. 13 студзеня супрацоўніца паштовага аддзялення сувязі №13 прынесла бацьку Таццяны Колышавай 91-гадоваму Уладзіміру Іосіфавічу пенсію, Перад тым, як аддаць грошы, паштальёнка папрасіла падпісацца за вылучэнне Лукашэнкі кандыдатам у прэзідэнты.
Таццяна Колышава запытала ў паштальёнкі, ці з’яўляецца яна сябрам ініцыятыўнай групы Лукашэнкі. Жанчына адказала, што кожнаму паштальёну загадалі сабраць па пяць аркушоў подпісаў (на кожным аркушы можа падпісацца 18 чалавек) за дзеючага прэзідэнта. Яна паскардзілася, што адзін аркуш ужо запоўніла, а дзе набраць подпісаў яшчэ на чатыры аркушы, не ведае. Пагэтаму і просіць дапамагчы.
Зараз юрыдычная служба Штаба Аляксандра Мілінкевіча рыхтуе па дадзеных фактах адпаведныя заявы ў дзяржаўныя органы, якія павінны кантраляваць выкананне службовымі асобамі палажэнняў Выбарчага кодэксу Беларусі.
