Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Антось Цялежнікаў узначаліў «Зьвяз на карысьць дэмакратыі ў Беларусі» 15:08, 17/01/2006
У Варшаве адбыўся выбарчы сход польскай арганізацыі “Зьвяз на карысьць дэмакратыі ў Беларусі” – адной з найбольш актыўных арганізацыяў, што займаюцца беларускімі справамі. Кіраўніком зьвязу абраны беларускі студэнт з Варшавы Антось Цялежнікаў.
За некалькі гадоў свайго існаваньня “Зьвяз на карысьць дэмакратыі ў Беларусі” стаў добра вядомы ў Польшчы – ягоныя сябры арганізавалі дзесяткі канцэртаў беларускіх музыкаў, пікетаў, дэманстрацыяў і мітынгаў у падтрымку дэмакратычных сілаў у Беларусі.
Новы кіраўнік Антось Цялежнікаў плянуе напярэдадні выбараў у Беларусі пашырыць дзейнасьць сваёй арганізацыі.
“Праца будзе больш актыўнай, хаця нельга сказаць што арганізацыя не была актыўнай раней. У нас старшынства – не галоўнае, галоўнае гэта каманда, ў якой мы працуем”, -- паведаміў Антон Цялежнікаў “Радыё Свабода”.
