Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Жодзіне сустрэчы Мілінкевіча ізноў здымаюць прадстаўнікі спецслужб 15:40, 18/01/2006
Сёння служба аховы дзяржаўнага прадпрыемства "Беларускі аўтамабільны завод" спрабавала перашкодзіць збору подпісаў у падтрымку вылучэння Аляксандра Мілінкевіча кандыдатам у прэзідэнты на тэрыторыі, прылеглай да будынка завода, спасылаючыся на загад адміністрацыі прадпрыемства. Толькі ўмяшальніцтва самога Мілінкевіча спрыяла спыненню свавольніцтва аховы і збор подпісаў працягнуўся.
Сёння па Жодзіне машыну Аляксандра Мілінкевіча суправаджаюць пяць машын спецслужб. Аператары ў цывільным вядуць відэаздымку размоваў Аляксандра Мілінкевіча з грамадзянамі.
Раніцай Аляксандр Мілінкевіч сустрэўся з вернікамі ў праваслаўнай царкве, у касцёле а таксама з прадстаўнікамі пратэстанцкай супольнасці. Апроч гэтага кандыдат ад дэмсілаў наведаў тры пункта па зборы подпісаў, сустрэўся з прадстаўнікамі РГА інвалідаў вайны ў Афганістане.
На працягу сённяшняга дня плануецца сустрэча А.Мілінкевіча ў Жодзінскай гімназіі № 1, сустрэчы на пунктах збору подпісаў у Барысаве, прамая лінія ў барысаўскай незалежнай газеце, а таксама сустрэчы з прадстаўнікамі жодзінскага і барысаўскага актыва.
