Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Штаб Мілінкевіча накіраваў тры новыя скаргі на незаконны збор подпісаў за Лукашэнку 10:48, 19/01/2006
Кіраўнік ініцыятыўнай групы кандыдата ад аб’яднанай апазыцыі на будучых прэзыдэнцкіх выбарах Аляксандар Бухвостаў сёньня накіраваў у ЦВК і пракуратуру Беларусі тры новыя скаргі на парушэньне закону пры зборы подпісаў за А.Лукашэнку.
Як паведамляе “Радыё Свабода”, Аляксандар Бухвостаў піша пра канкрэтныя выпадкі выкарыстаньня службовага становішча пры зборы подпісаў за А.Лукашэнку супрацоўнікамі сацыяльнай службы і пошты ў Менску, якія патрабавалі, каб пэнсіянэры падпісваліся за дзейнага кіраўніка дзяржавы.
У ініцыятыўнай групе Мілінкевіча паведамілі, што яны ўжо раней накіроўвалі скаргі на выкарыстаньне адміністрацыйнага рэсурсу падчас збору подпісаў за Лукашэнку. Аднак старшыня ЦВК Лідзія Ярмошына заявіла, што ніякай інфармацыі пра выкарыстаньне Лукашэнка адміністрацыйнага рэсурсу нібыта ў яе няма.
