Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску ад маразоў пацярпелі ўжо больш як 120 чалавек 10:42, 23/01/2006
Надвор’е ў Беларусі працягвае дасягаць тэмпэратурных рэкордаў. Паводле Рэспубліканскага гідрамэтэацэнтру, сёньня ўначы слупок тэрмомэтра апускаўся да мінус 26. Як даводзяць сыноптыкі, рэкордны мінімум быў зафіксаваны роўна 99 гадоў таму (у 1907), і тады ён складаў мінус 29,5 градусаў. Як паведамілі «Радыё Свабода» ў Рэспубліканскім апёкавым цэнтру, за апошнія чатыры дні ад маразоў пацярпелі больш як 120 чалавек.
“У некаторых пацыентаў давядзецца выконваць ампутацыю канечнасьцяў. Мы ня робім ампутацыю імгненна. Мы спрабуем выратаваць”, -- паведамілі “Радыё Свабода” у Рэспубліканскім апёкавым цэнтру.
Медыкі таксама нагадалі: “Калі людзі памарозілі сабе скуру, рукі, ногі, то ў ніякім разе нельга грэць пад гарачай вадой, грэлкай і гэтак далей. Ані ў якім разе! Бо гэта прывядзе да таго, што мы будзем ампутаваць гэтыя паражоныя часткі цела”.
