Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пад выглядам прыхільнікаў Лукашэнкі па кватэрах ходзяць махляры 12:58, 26/01/2006
Пенсіянер А. Савасцеенка жыве ў Сьветлагорску (Гомельская вобласьць) у адным з дамоў, дзе пражываюць у асноўным людзі сталога ўзросту. 25 студзеня ён распавёў, як да яго ў кватэру пазваніла незнаёмая жанчына і спытала: “Вы за Лукашэнку?”
На пытаньне пенсіянера - “А што?” - жанчына адказала: маўляў, збіраюцца заявы ад людзей, якія за Лукашэнку, напішыце і Вы.
“Я вырашыў: можа, гэта для таго, каб пенсію дабавілі, ці яшчэ што, і думаю – ну, напішу – расказал пенсіянер Сьветлагорскай раённай арганізацыі Партыі БНФ. - Жанчына гэтая заходзіць да мяне ў кватэру, гляджу – а за ёй два здаровых мужыка ідуць. Адзін з іх кажа: “Я - юрыст, а гэта – мой памочнік.” Напісаў я пад іх дыктоўку заяву, што я за Лукашэнку, а яны затым мне яшчэ нейкі пусты бланк падсоўваюць і гавораць: “І тут знізу падпішыце.” Я пытаю: “А тут навошта?” Яны кажуць: “А калі Вы заяву напісалі з памылкамі, то мы акуратна перапішам на гэты бланк з Вашым подпісам.” Я падпісаў, каб яны хутчэй сыйшлі, а сам думаю – гэта могуць быць махляры нейкія. У мяне адзіная каштоўнасьць – кватэра, хоць і непрыватызаваная. На наступны дзень я расказаў гэтую гісторыю ў ЖЭСе, але там мяне супакоілі: калі кватэра непрыватызаваная, то мой подпіс махляры выкарыстаць не змогуць. Цяпер, калі хто кажа, што ён прыйшоў штосьці рабіць за Лукашэнку, я дзверы не вельмі адкрываю.”
