Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У сябры групы Мілінкевіча адбыўся ператрус 10:52, 27/01/2006
У Астраўцы, у кватэры Івана Крука, зборшчыка подпісаў за Аляксандра Мілінкевіча, адбыўся вобшук. Санкцыю на ператрус кватэры сьледчы атрымаў у адносінах да сына Івана Крука, які вучыцца ў 10-ым клясе і якога міліцыя падазрае ў крадзяжы грошай у пэнсіянэркі, паведамляе “Радыё Свабода”.
Іван Крук кажа, што яго сын выхаваны юнак і красьці ня мог. Ужо два дні ён размаўляў з сынам наконт гэтай справы і той яму кляўся, што нічога падобнага не рабіў. Іван Крук кажа, што сын плача і просіць, каб бацька яму верыў.
Падчас вобшуку, як паведаміў Іван Крук, міліцыянты знайшлі і канфіскавалі ў яго 15 бюлетэняў Кангрэсу дэмакратычных сілаў, які адбыўся яшчэ летась.
Потым іх зацікавіў кампутар. Іван Крук пачаў абурацца, маўляў, якое дачыненьне кампутар можа мець да крадзяжу ў пэнсіянэркі. Міліцыянты хацелі яго таксама канфіскаваць, але Іван Крук скінуў яго са стала на падлогу і разьбіў.
Іван Крук кіруе філіяй Аб’яднанай грамадзянскай партыі, цяпер зьбірае подпісы за Аляксандра Мілінкевіча.
