Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прэзідэнт Еўрапарламента выступае за дэмакратычныя выбары ў Беларусі 15:10, 01/02/2006
“Я падкрэсліваю, што Еўрапейскі парламент вітае ўсе ініцыятывы, якія прывядуць да сапраўднай дэмакратыі ў Беларусі”, - заявіў прэзідэнт Еўрапейскага парламента Хосеп Барэль пасля сустрэчы з Аляксандрам Мілінкевічам.
“Падтрымка дэмакратыі Еўрапейскім парламентам падмацоўваецца рэзрлюцыямі, і што больш важна, парламент выражае пазіцыю ўсіх грамадзян Еўрасаюза, -- сказаў Хосеп Барэль. -- Я запэўніў Аляксандра Мілінкевіча, што Еўрапейскі парламент будзе падтрымліваць усе намаганні для арганізацыі дэмакратычных і празрыстых выбараў 19 сакавіка. Мы, у Еўрапейскім парламенце, скіроўваем усе свае намаганні на дэмакратызацыю, распаўсюджванне прававых нормаў і павагу правоў чалавека”.
“У апошняй заяве Еўрапейскі парламент заклікае да фармавання дэлегацыі высокага ўзроўню, якая наведае Беларусь, каб даследваць і агучыць сітуацыю адносна павагі да правоў чалавека ў Беларусі, -- распавёў прэзідэнт Еўрапейскага парламента. -- Я падкрэсліваю, што далейшае развіцце адносінаў паміж ЕС і Беларуссю таксама будзе залежыць ад дэмакратызацыі, рэформ і доступа беларусаў да свабоднай і аб’ектыўнай інфармацыі, а таксама павагі да правоў нацыянальных і рэлігійных меньшасцяў”.
