Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч сустрэўся з канцлерам Нямеччыны 18:38, 02/02/2006
2 лютага кіраўніца ўраду Нямеччыны Ангела Мэркель прыняла ў Бэрліне кандыдата на прэзыдэнта Беларусі ад дэмакратычных сілаў Аляксандра Мілінкевіча. Федэральны канцлер шчыра павітала Аляксандра Мілінкевіча, а таксама прадстаўнікоў яго каманды Вінцука Вячорку, Сяргея Калякіна і Анатоля Лябедзьку. Спадарыня Мэркель адзначыла, што ў іх асобах, якія прадстаўляюць розныя палітычныя партыі, яна бачыць рэальнае аб’яднаньне дэмакратычных сілаў Беларусі. Падчас размовы яна выказала спадзяваньне, што неўзабаве Беларусь стане свабоднай краінай.
Як паведамляе “Радыё Свабода”, сёння ж у Бэрліне Аляксандар Мілінкевіч выступіў на буйной міжнароднай канфэрэнцыі, прысьвечанай барацьбе з тэрарызмам. У ёй удзельнічаюць дзейныя палітыкі, праваабаронцы, спэцыялісты ў галіне супрацьдзеяньня тэрарызму, разам каля ста асобаў. Беларускае пытаньне разглядалася на канфэрэнцыі ў кантэксьце парушэньняў правоў чалавека ў краіне.
