Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Камуністы атрымалі папярэджаньне ад Мін`юсту 10:18, 02/02/2006
Партыя камуністаў атрымала ад Міністэрства юстыцыі другое папярэджаньне аб парушэньні заканадаўства. Падставай для папярэджаньня стаўся ліст старшыні ПКБ, кіраўніка перадвыбарчага штабу Аляксандра Мілінкевіча Сяргея Калякіна да ўсіх кіраўнікоў выканакамаў, паведамляе «Радыё Свабода”.
У гэтым лісьце Калякін заклікаў адрасатаў выконваць патрабаваньне Выбарчага кодэксу, якое прадугледжвае ўключэньне ў склад выбарчых камісіяў прадстаўнікоў палітычных партыяў.
Гэты ліст міністэрства юстыцыі расцаніла як умяшальніцтва ў дзейнасьць дзяржаўных органаў і службовых асобаў.
Партыя лічыць абвінавачваньне надуманым.
Сакратар ЦК ПКБ Валер Ухналеў падкрэсьліў, што ў сваім лісьце Сяргей Калякін нагадаў кіраўнікам выканкамаў пра неабходнасьць выконваць закон.
ПКБ будзе абскарджваць папярэджаньне ў Вярхоўным судзе.
