Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Э.Шродтэр: «У Эўропе пачынаюць адэкватна ацэньваць беларускую сытуацыю» 12:53, 06/02/2006
Камэнтуючы сустрэчы кандыдата ў прэзідэнты Беларусі ад дэмакратычных сілаў Аляксандра Мілінкевіча з лідарамі Еўрапейскага Зьвязу, а таксама кіраўніцай Нямеччыны Ангелай Мэркель, вядучыя нямецкія палітыкі гавораць пра выразны сыгнал Эўразьвязу адносна падтрымкі дэмакратыі ў Беларусі.
У размове з “Радыё Свабода” Элізабэт Шродтэр, прадстаўніца Партыі нямецкіх зялёных і сяброўка міжнароднага камітэту Эўрапарлямэнту, бачыць у сустрэчы Мілінкевіча з Мэркель сапраўдны паварот Бэрліна ў бок былых постсавецкіх краінаў:
“Мілінкевіч зрабіў самыя лепшыя ўражаньні ў Бэрліне, як, дарэчы, у Брусэлі і ў Страсбуры. Мне падаецца, што ў старой кансэрватыўнай Эўропе пачынаюць адэкватна ацэньваць беларускую сытуацыю. Нямеччына і Эўропа становяцца на шлях больш эфэктыўных стасункаў з гэтай краінай. Гэта першае. Па-другое, вельмі добрае ўражаньне апошнім часам робіць беларуская апазыцыя, якая здолела аб’яднацца вакол адзінага кандыдата – Мілінкевіча. Трэба адзначыць, што гэта палітык вельмі дакладна ўяўляе сабе, як мусяць у будучым выглядаць дачыненьні паміж Беларусьсю і Нямеччынай, Беларусьсю і Эўразьвязам”.
