Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
4 лютага Павал Севярынец быў выкліканы да начальніка Ветрынскай спэцкамэндатуры, які вынес папярэджаньне палітзьняволенаму палітыку.
Нагадаем, што у мінулую пятніцу Паўла мусіў наведаць надзвычайны й паўнамоцны амбасадар Швэцыі ў Беларусі Стэфан Эрыксан. Негледзячы на усе міжнародныя дамоўленасьці аб недатыкальнасьці консульскага транспарту, міліцыянты арганізавалі сапраднае паляваньне на дыплямата. Дарога ад Полацку да Малога Сітна была цалкам блякаваная міліцыянтамі, якія й затрымалі швэдзкага амбасадара.
Пасьля гэтага Севярынца выклікалі ў спэцкамэндатуру й паведамілі, што журналістам й замежным грамадзянам, якія жадаюць наведаць Паўла, трэба атрымаць й дазвол Міністэрства ўнутраных справаў.
“З набліжэньнем прэзыдэнцкіх выбараў рэжым жадае пазбавіць мяне усіх магчымасьцяў абменьвацца інфармацыяй з паплечнікамі й журналістамі. Але я на сто адсоткаў упэўнены - 19 сакавіка сытуацыя ў нашай краіне кардынальна зьменіцца”, -- паведаміў Павал Севярынец прэс-службе “Маладога Фронту”.
